Yeh nigaah-e-husn jhukee jhukee, yeh jabeen-e-naaz dhuaaN dhuaaN

Yeh nigaah-e-husn jhukee jhukee, yeh jabeen-e-naaz dhuaaN dhuaaN
Meray bas ki ab naheeN daastaaN, mera kaaNpta hai ruaaN ruaaN

Ho tilism-e-aalaam-e-raNg o boo, ke hareem-e-anjum o kehkashaaN
Mera saath dey gee mery nazar, woh chhupeiN ge jaa ke kahaaN kahaaN?

Meray dil pe naqsh haiN aaj tak woh ba ehtiyaat nawaazisheiN
Woh Ghuroor o zabt ‘ayaaN ‘ayaaN, woh Khuloos o rabt nehaaN nehaaN

Na safar ba shart-e-ma-aal hai, na talab baqaid-e-sawaal hai
Faqat aik sairy-e-zauq ko, maiN bhaTak raha huN kahaaaN kahaaN

Mery KhilwatoN ki ye jannateiN kayee baar saj ke ujaR chukeeN
Mujhay baarha ye huwa gumaaN, ke tum aa rahey jo kashaaN kashaaN

HaiN hunooz yaad woh qurbateiN, woh neyaaz o naaz woh sohbateiN
Woh tuloo’-e-subha Khunuk Khunuk, woh fizaa-e-shaam jawaaN jawaaN

Yeh taKhayyulaat ki zindagee, yeh tasawwuraat ki bandagee
Faqat ek faraib-e-Kheyaal par mery zindagee hai rawaaN dawaaN

Aaj Ki Iss Barish Mein

Aaj ki barish mein
Phir wohi manzar hai
Phir wohi boondain hain
Phir wohi thandak hai
Phir wohi sab kuch hai
Per
Aaj ki is baarish mein saath tum nahi ho tou
Aankh num si kitni hai
Saans tang si kitni hai
Rooh pyasi kitni hai
Ye udaasi kitni hai
Aaj ki is baarish mein

Agar tum aaina dekho tou

Agar tum aaina dekho tou........

Apny aap sy nazrein chura lena!

k aksar bewafa logon ko,

jab wo aaina dekhen tou,

aankhain chor lagti hen !!!

(Mohsin Naqvi)

Meri Aankhon Pe Marta Tha

Meri ankhon pe marta tha,

Meri baton pe hansta tha,

Najanay shakhs tha kaisa,

Mujhe khonay se darta tha,

Mujhe jab bhi woh milta tha,

Yahi har bar kehta tha,

-Suno- Agar main bhool jaoon tau,

Agar main rooth jaoon tau,

Kabhi wapis na aoon tau,

Bhula pa o gai yeh sab kuchh,

Yohin hanstay raho gai kiya,

Yahi batein hain bus us ki,

Mujhe bus yad hai itna,

Mujhe woh piyar karta tha,

Muje Khonay se darta tha​

Aankhen Bheeg Jaati Hain

Sumandar Mein Utarta Hoon Tou Aankhen Bheeg Jaati Hain
Teri Aankhon Ko Parhta Hoon Tou Aankhen Bheeg Jaati Hain

Tumhara Naam Likhne Ki Ijazat Chhin Gayi Jab Se
Koi Bhi Lafz Likhta Hoon Tou Aankhen Bheeg Jaati Hain

Teri Yaadon Ki Khushbu Khirkiyon Mein Raqs Karti hay
Tere Gham Mein Sulagta Hoon Tou Aankhen Bheeg Jaati Hain

Main Hans K Jheel Leta Hoon Judai Ki Sabhi Rasmein
Gale Jab Uss K Lagta Hoon Tou Aankhen Bheeg Jaati Hain

Na Jane Ho Gaya Hoon Iss Qadar Hassas Main Kab Se
Kisi Se Baat Karta Hoon Tou Aankhen Bheeg Jaati Hain

Wo Sub Guzre Hue Lamhat Mujh Ko Yaad Aate Hain
Tumhare Khat Jo Parhta Hoon Tou Aankhen Bheeg Jaati Hain

Main Saara Din Bahot Masroof Rehta Hoon Magar Junhi
Qadam Choukhat Pe Rakhta Hoon Tou aankhen Bheeg Jaati Hain

Her Ek Muflis K Maathe Per Alum Ki Daastanen Hain
Koi Chehra Bhi Parhta Hoon Tou Aankhen Bheeg Jaate Hain

Bare Logon K Oonche Badnuma Aur Sard Mahlon Ko
Ghareeb Aankhon Se Takta Hoon Tou Aankhen Bheeg Jaati Hain

Tere Kooche Se Ab Mera Ta’alluq Wajbi Sa Hay
Magar Jab Bhi Guzarta Hoon Tou Aankhen Bheeg Jaati Hain

Hazaron Mausamon Ki Hukmarani Hay Mere Dil Per
Wasi Main Jab Bhi Hansta Hoon Tou Aankhen Bheeg Jaati Hain

Teri Aankhon Si Aankhein

Teri Aankhon Si Aankhein
Aaj Ik Chehray Pe Dekhi Hain
Vohi Rangat, Banawat
Aur Wesi Hi Be Rukhi Un Mein
Bichartay Waqt Jo Main Ne
Teri Aankhon Mein Dekhi Thi

Teri Aankhon Si Aankhon Ne
Mujhay Ik Pal Ko Dekha Tha
Vo Pal Ik Aam Sa Pal Tha
Magar Uss Aam Se Pal Mein
Puranay Kitney Mousam,

Kitney Manzar Main Ne Dekhy Thy
Meri Jaan Main Samjha Tha
Teri Aankhon Si Aankhein Jab
Meri Aankhon Ko Dekhein Gi
To Ik Lamhay Ko Sochein Gi
k In Aankhon Ko Pehlay b
Kisi Chehray Pe Dekha Hay

Magar in Jheel Aankhon Mein
Shanasayii Nahi Jaagi
Meri Aankhein!
Teri Aankhon Si Aankhon k Liye
Kab Khas Aankhein Thin
Teri Aankhon Ne Shayed Yeh
Kayii Chehron Par Dekhi Hon
k Yeh To Aam Aankhein Hain

Main Aisa Soch Sakta Tha
Magar Main Kya Karon Dil Ka
Jo Ab Yeh Yaad Rakhay Ga
Teri Aankhon Si Aankhein
Main Ne Ik Chehray Pe Dekhi Thin
Phir Uss k Baad Kitnay Din
Meri Aankhon Mein Sawan Tha...!!!

Wohi Wehshat, Wohi Hairat, Wohi Tanhai Hai

Wohi Wehshat, Wohi Hairat, Wohi Tanhai Hai
Teri Aankhien Mery Khwabon Se Kitni Milti Julti Hain

Hum Na Samjhe Teri Nazron Ka Taqaaza Kya Hai,

Hum Na Samjhe Teri Nazron Ka Taqaaza Kya Hai,

Kabhi Jalwa Kabhi Parda Ye Tamasha Kya Hai,

Hum Ko Madhosh Sa Kar Rakha Hai Teri Aankhon Nay,

Warna Saaqi Tere Mai-Khanai Mein Rakha Kya Hai,

Daikh Laila Tere Majnu Ka Kaleja Kya Hai,

Khaak Mein Mil K Bhi Kehta Hai K Bigra Kya Hai,

Ye Surahi Sa Badan Lay Kar Na Mere Samnay Aa,

Main Sharabi Hoon Shrabi Ka Bharosa Kya Hai,

Apnay Honton Ko Mere Honton Say Zara Choonay To Day,

Aik Do Ghoont Say Botal Ka Bigarta Kya Hai.

Dekh lena k kisi dukh ki kahani to nahi

Dekh lena k kisi dukh ki kahani to nahi
Yeh jo aansuu hain kahin us ki nishani to nahin,

Dikh rahi hai jo mujhe saaf teri aankhon mein,
Tu ne yeh baat kahin mujhse chupaani to nahin,

Jaanta hun ke sarabon mein ghira hun yaro,
Dorh parta hun mager phir bhi k pani ti nahi,

Jis tarah sheher se nikla hoon mein beemar tera,..
Yeh ujarrna hai koi nakal- makaani to nahin,.

Uss ne chaha hai mujhe apne Khuda se barh kar
Maine ye baat zamane ko btani to nahi,
  
Yeh jo har morr pe aa milti hai mujhse farhat,
Badnaseebi bhi kahin meri deewani to nahin

Malaal us ko bichharrne ka kuch to howa ho ga

Malaal us ko bichharrne ka kuch to howa ho ga,
Kaha na ho ga kisi se kuch bhi, suna to ho ga,

Wisaal lamhon ka aks sochon main jub bhi jaaga,
Yeh Hijr aankhon main rait ban ker chubha to ho ga, 

Kabhi kabhi to hawayen aa aa ker poochti hain,
Wo shaqs apna bohat hai, apna laga to ho ga,

Ujarr gaya hai gulaab jese, to kia howa phir,
Yeh dil musafir firaaq rut ka basa to ho ga,

Wo baad muddat mila to poocha udaas kyon ho,
Kaha, jo sholon main ghir gaya tha, jala to ho ga,

Hazaar saanpon ka zaher pee ker wo jee raha tha,
Werna yaadon ne naag ban ker dasa to ho ga,

Wafa ki waadi main, khaar ratoon ko jaagte hain,
Gulaab rut se qasoor koi howa to ho ga,

Chalo sitaare to saare gheron ne baant daale,
Batool qismat k pass koi diya to ho ga...!!!

Maana k tere Dil mein koi Or Makeen hai

Maana k tere Dil mein koi Or Makeen hai,
Tu phir B Mera Gham hai, Aqida hai, YaQin hai,,

Ye Aaina! tujhy Teri Khabar De Na Saky ga,
Aa Dekh Meri Ankh se tu kitna Haseen hai,,

 
Main Jabr k Sajdon se kahin Toot Na Jaon,
Pathar k Khudao! meri Sheeshey ki Jabeen hai,,

Palkon se tarasha tha Kabhi Hum ne jo Heera,
Mat Pooch k! ab Kis ki Anguthi ka Nageen hai,,

Maana K tere Dil mein koi Or Makeen hai,
Tu phr B Mera Gham hai, AQida hai, YaQeen hai...!!

Ab Kis Se Kahein Aur Kon Sune Jo Haal Tumhare Baad Hua

Ab kis se kahein aur kon sune jo haal tumhare baad hua
Is dil ki Jheel si Aankhon mein ik khawab buhat barbaad hua

Ye hijar-o-hawa B dushman hy us naam K sare rangon ki

 Woh naam jo mere honton par khushboo ki tarah aabad hua

Is shehar mein kitne chehre the, kuch yaad nahi sab bhool gaye
Ik shakhs kitabon jaisa tha woh shakhs Zubani yaad hua

Woh apne gaoon ki galyan theen dil jin mein nachta gata tha
Ab is se farq nahi parta nashad hua ya shad hua

Be naam sataish rehti thi in gehri sanoli Aankhon mein
Aisa to kabhi socha bhi na tha Dil ab jitna be daad hua

Daraaz Palken,Wisaal Aankhen

Yeh Mast Mast Be Misaal Aankhen

 Nashay Men Har Dam Nidhaal Aankhen,

Uthen Tou Hosh-o-Hawaas Cheenay

Giren Tou Kar Den Kamal Aankhen,

Koi Hay In K Karam Ka Talib

Kisi Ka Shoq-e-Wisaal Aankhen,

Na Youn Jalen , Na Youn Sataen

Karen Tou Kuch Yeh Kahayl Aankhen,

Hain Jeenay Ka Ik Bahana Yaaro

Yeh Rooh Parwar Jamaal Aankhen,

Daraaz Palken , Wisaal Aankhen

Musawari Ka Kamal Aankhen,

Sharaab Rab Ne Haraam Kardi

Magar Kiun Rakhi Halaal Aankhen,

Hazaron In Se Qatal Hongay

Khuda K Banday Sanbhaal Aankhen…

Log Aankhon Main Doob Jatay Hain !

Tum Smandar Ki Bat Kartay Ho

Log Aankhon Main Doob Jatay Hain !

Bhari Mehfil Mein Tanhai Ka Aalam Dhoond Leta hoon

Bhari Mehfil Mein Tanhai Ka Aalam Dhoond Leta hoon

Jahan Jaata hoon, Apne Dil Ka Mousam Dhoond Leta hoon

Akela Khud Ko Jab Mehsoos Karta hoon Kisi Lamhay

Kisi Umeed Ka Chehra Koi Gham Dhoond Leta hoon

Bohut hansi Nazar Ati hein Jo Ankhain Sar-e-Mehfil Main

In Ankho'n Kay Peeche Chashm-e-Purnam Dhoond Leta hoon

Gale Lag Ker Kisi Kay Chahta hoon Jab Kabhi Rona

Shikasta Apne Jesa koi ham-dam Dhoond Leta hoon

Calander Se Nahi Mashroot Mere Raat Din Zaheer !!

Main Jaisa Chahta hoon Wesa Mousam Dhoond Leta hoon

Woh dil ka bura, na bewafa tha

Woh dil ka bura, na bewafa tha
Bus,mujh say yoonhi bicharr gaya tha

Lafzoon ki hadoon say mawara tha
Aab kis say kahoon woh shakhs kaha tha?

Woh meree ghazal ka aaeina tha
Her shakhs yeh baat janta tha

Her simat ussi ka tazkara tha
Her dil main woh jaisay bus raha tha

Mein uss ki ana ka aasara tha
Woh mujh say kabhi na roothta tha

Mein dhoop k bun main jal raha tha
Woh saya-abr ban gaya tha

Mein banjh rutoon ka aashana tha
Woh mosam-e-gul ka zaiqa tha

Ek bar bicharr kay jab mila tha
Woh mujh say lipatt kay ro pada tha

Kia kuch na ussay kaha gaya tha?
Uss nay to laboon ko see liya tha

Woh chand ka hamsfer tha shayed
Ratoon ko tamam jagta tha

Hontoon main guloon ki naram khushboo
Batoon main to shehad gholta tha

Kehnay ko juda tha mujh say lekin
Woh meree ragoon main gonjata tha

Uss nay jo kaha, kiya woh dil nay
Inkar ka kis main hosala tha

Yoon dil main thi yaad uss ki jaisay
Masjid main charragh jal raha tha

Mat pooch hijab k qareenay
Woh mujh say bhi kam hee khul saka tha

Uss din mera dil bhi tha paresha’n
Woh bhi meray dil say kuch khafa tha

Mein bhi tha dara howa sa lekin
Rang uss ka bhi kuch udda udda tha

Ek khof sa hijar ki rutoon ka
Dono pay muheet ho chala tha

Ek rah say mein bhi tha gurezaa’n
Ek mod pay woh bhi ruk gaya tha

Ek pal main jhapak gaein jo aankhein
Manzer he nazer main dosara tha

Aankhon Me Kisi Khwab Ko,Tora Hai Kisi Ne

Chubhte Hain Musalsal He

,Mujhe Kaanch k Tukrey

,Aankhon Me Kisi Khwab Ko

,Tora Hai Kisi Ne

,Wapis B Palat Jaon

,Ye Himmat Nahin Parti

,Kis Raah P Laa K Mujhe

,Chora Hai Kisi Ne

,Ik Pal K Liye Jaise Bhula Daala

,Sabhi Kuch

,Main Neend Mein Thi Or

,Jhanjhora Hai Kisi Ne

,Kuch Din Se Meri Aankh Mein

,Aansoo Nahi Aate

,Hairat Hai Daryaon Ko Mora

........Hai Kisi Ne

Suna Ha Us Ki Ankhon Mein

Ab Tu Us Se Milna Aur Bi Zarori Ho Giya Ha
Suna Ha Us Ki Ankhon Mein Mera Aks Nazar Ata Ha

Us Ki Aankhoon Main Nazar Aata Hai Saara Jahan Mujh Ko

Us Ki Aankhoon Main Nazar Aata Hai Saara Jahan Mujh Ko

 Afsoos K Un Aankhoon Main Kabhi Khud Ko Nahi Daikha…!!!

Uski Aankhon Ko Kabhi

Uski Aankhon Ko Kabhi Ghour Se Dekha Hay Faraz

Soney Walon Ki Tarha, Jaagney Walon Jaisi..

Wo Shakhs Mujh Ko Jeet Ke Haara Hai Aur Bas

wo shakhs mujh ko jeet ke haara hai aur bas,
itna hi zindagi ka khasara hai aur bas,

kaise kahoon k us ka irada badal gaya,
sach to yehi hai us ne pukara hai aur bas,

duniya ko is mein dard ki shiddat kahan milay,
aankhon se tootta taara hai aur bas,

lafzon mein dard hijar ko mehsoos kar ke dekh,
kehne ko mein ne waqt guzara hai aur bas,

ab in mein koi khwab sajane nahin mujhe,
ankhon ko intezar tumhara hai aur bas,

mein ne kaha ke khwab mein dekhi hain baarishen,
us ne kaha ke ek ishaara hai aur bas

Ghum Apni Mohabbat Mein Dono,Nayaab Ho Tum, Nayaab Hein Hum

Ghum Apni Mohabbat Mein Dono

Nayaab Ho Tum, Nayaab Hein Hum

Kia Hum Ko Khuli Aankhein Dekhen

Ik Khuwab Ho Tum , Ik Khuwab Hein Hum

Kia Mehshar Khaiz Judai Hai 

Kia Vasl Qayamat Ka Hoga

Jazbaat Ka Ik Sailaab Ho Tum

Jazbaat Ka Ik Sailaab Hein Hum

Aankhein Jo Hein Apne Chehre Par

Ik Sawan Hai Ik Bhaadon Hai

Ay Gham Ki Naddi Tou Fikar Na Kar

Is Waqt Bohat Sairaab Hein Hum

                                                                               

Is Waqt Talatum Khaiz Hein Hum,

Gardish Mein Tumeh Bhi Lay Len Gay

Is Waqt Na Tair  Ay Kashti-e-Dil 

Is Waqt Tou Khud Gardaab Hein Hum

Ik Huns Purani Yaadon Ka

Baitha Hua Kunkar Chunta Hai

Tapti Hui Hijr Ki Gharryon Mein

Sookha Hua Ik Talaab Hein Hum

Ay Chashm-e-Falak , Ay Chashm-e-Zameen

Hum Log Tou Phir Aaen K Nahi

Kia Apni Haqiqat , Kia Hasti

Matti Ka Ik Habaab Hein Hum

Do Chaar Gharri Ka Sapna Hein 

Do Chaar Gharri Ka Khuwab Hein Hum...

Har Dard Pehan Lena, Har Khwab Mein Kho Jana

Har Dard Pehan Lena, Har Khwab Mein Kho Jana
 Kya Apni Tabiyat Hia, Har Sakhs Ka Ho Jana

 Ik Shehar Basa Lena Bichre Hue Logon Ka
 Phir Shab Ke Jazeere mein Dil Thaam Ke So Jana

 Mozoo-e-Sakhn Kuch Ho, Ta Dair Use Takna
 Har Lafz Pe Ruk Jana, Har Baat Pe Kho Jana

 Aana To Bikhar Jana Saanson Mein Mehak Ban Ker

Jaana To Kaleje Mein Kante Se Chabho Jana

 Jaate Hue Chup Rehna Un Bolti Aankhon Ka 

Khamosh Takalm Se Palkon Ko Bhago Jana

Lafzon Mein Uter Ana In Phool Se Honton Ka

Ik Lams Ki Khushbu Ka Poron Mein Samo jana
 

Har Shaam Azayim Ke Kuch Mehal Bana Lena
 Har Subah Iraadon Ki Dehleez  Pe So Jana

Mar kar bhi usko dekhte rehne ke shauq mein

Mar kar bhi usko dekhte rehne ke shauq mein,

Aankhein kisi ko apni, amanat mein de gaye..

Bohut Totey Howey Hain Hum Abhi Dastuk Nahi Dena

Bohut totey howey hain hum
Abhi Dastuk nahi dena!
Abhi Ankh hay Purnam
Abhi Dastuk nahi Dena!!
Mere Yar Abhi kuch Din mere Ahwal Mat Pocho..!
abHi Dil maiN hain kaYe Ghum
Abhi Dastak Nahi deNa!!
Shab-e-Tanhai main Tarapna hAy buhat mujhkO
Abhi hay Dard kuch madham abhi Dastak nahi Dena ..!!~

Tumhen Kisne Kaha Pagli

Tumhen kisne kaha pagli
Mujhy tum yad aati ho
Bohat khush faham ho tum b
Tumharai khush gumani he
Meri ankhon ki surkhi me
…Tumhari yad ka matlab?
Mere shab bhar k jagnay me
Tmharay khwaab ka matlab?
Ye ankhien to hameesha se hi
Meri surkh rehti hen
Tumhin malom hi hoga
Is shahar ki faza kitni aloda he
Tu yah sozish,ussi fiza k bayes he
Tumhain kisne kaha pagli
K me shab bhar nahi sota
Mujhy is nokri k sab jhamelon se
Kabhi fursat milay to tab hai na
Meri baaton main larzash hai???
Main aksar kho sa jata hon??
Tumhain kis nay kaha pagli
Mohabbat kay ilawa aur bhi to dard hotay hain
Fikar-e-muaash,sukh ki tlaash,
Aisay aur bhi gham hain
Aur tum
Un sab ghamon kay baad aati ho
Tumhin kis nay kaha pagali
Mujhy tum yaad aati ho
Ye dunya walay pagal hain
Zara si baat ko yah to afsaana samjhtay hain
Mujhy ab bhi yah pagal tera dewana samjhaty hain
Tumhain kis nay kaha pagli

 Magar shayed

 Magar shayed main jhhota hon
Main reeza reeza ,toota hon

Barish Aur Mohabbat

Barish aur mohabbat dono hi bohat yaadgar hote hain,
Farq sirf itna hai,
Barish main jism bheeg jata hai aur mohabbat main ankhain.

Mere Aansoo Mere Andar Girte Hain

Mere Aansoo Mere Andar Girte Hain

Jaise Darya Beech Samandar Girte Hain

Teri Yaaden Woh Tufaan Uthati Hain

Ek Ek Kar Ke Saare Manzar Girte Hain

Kitni Laheren Shairoon Main Dhal Jati Hain

Soch Ke Pani Main Jab Pathar Girte Hain

Hum Ne Thokar Kha Kar Chalna Seekha Ha

Aur Hain Woh Jo Thokar Kha Kar Girte Hain

Rone Wale Yeh Tujh Ko Maloom Nahin

Tere Aansoo Mere Dil Par Girte Hain

Tum Bas Is Ka Rog Laga Kar Baithe Ho

Sapnon Ke Yeh Ghar To Aksar Girte Hain

Kaat Raha Hai Koi Aankhoon Mein

Takiye Per Yeh Khuwab Jo Shab Bhar Girte Hain

Wajood Apna, Na Rooh Apni,Bas Ik Tamasha Ye Zeest Thehri

Wajood apna, na rooh apni
 Bas ik tamasha ye zeest thehri,

Na dil'lagi mein sakon paia,
Na ashqi mein qarar paia,

 
Na wasl lamhy hi raas aiy,
Na firaq hi hm guzar paey,

 
Ajab ye chaht k marhaly hain,
Na jeet paey,na haar paey,

 
Na hi yadon ki dhund utri,
Na dil k daman ko jhar paey,

 
Na ankhein khawbon ko dhond paien,
Na khawb ankhon ko dhond paey,

 
Bs ik tamasha ye zeest thehri
Na Wajod apna, Na rooh apni..

Zindagi Theher Jaa,Abhi Aik Morr Baaqi Hai..!

Zindagi Theher Jaa,

Abhi Aik Morr Baaqi Hai..!

Meri Saansoon Mein Atki Si,

Abhi Aik Door Baaqi Hai..!

Jise Chaha Bohat Mein Ne,

DIL Ki Chah Mein Jaana..!

Unhi Ke Saath Ki Woh Aik, 

Ghadi Anmol Baaqi Hai..!

Meri Aankhoon Mein MOHABBAT Ka Samaa,

Phir Laut Aaye Ga..!

Woh Kehte Hain Tumhaare Sang, 

Khushi Kuch Aur Baaqi Hai..!

Unki Har Baat Ke Andar, 

Chupi Ek Ankahi Dastak..!

Jo Har Pal Mujh Se Kehti Hai, 

Ye Dhadhkan Tum Se Baaqi Hai..!

Hain Kitne Raaste Lekin! 

Ye DIL Jaana Nahi Chahta..!

Ke! CHAHAT Ki Aik Zanjeer, 

Abhi Paaoon Mein Baaqi Hai..!