Bhari Mehfil Mein Tanhai Ka Aalam Dhoond Leta hoon
Jahan Jaata hoon, Apne Dil Ka Mousam Dhoond Leta hoon
Akela Khud Ko Jab Mehsoos Karta hoon Kisi Lamhay
Kisi Umeed Ka Chehra Koi Gham Dhoond Leta hoon
Bohut hansi Nazar Ati hein Jo Ankhain Sar-e-Mehfil Main
In Ankho'n Kay Peeche Chashm-e-Purnam Dhoond Leta hoon
Gale Lag Ker Kisi Kay Chahta hoon Jab Kabhi Rona
Shikasta Apne Jesa koi ham-dam Dhoond Leta hoon
Calander Se Nahi Mashroot Mere Raat Din Zaheer !!
Main Jaisa Chahta hoon Wesa Mousam Dhoond Leta hoon
No comments:
Post a Comment