Kamaal-e-Zabt Ko Khud Bhi Tou Aazmaoon Gi

Kamaal-e-Zabt Ko Khud Bhi Tou Aazmaoon Gi
Mein Apney Haathon Say Us Ki Dulhan Sajaoon Gi

Supurd Kar Ke Ussey Chandni Kay Haathon Mein
Mein Apney Ghar Kay Andheiron Ko Laut Aaon Gi

Badan Kay Qarb Ko Vo Bhi Samajh Na Paaeyga
Mein Dil Mein Rouungi Aankhon Mein Muskuraoon Gi

Vo Kya Gaya Kay Rafaqat Kay Sarey Lutf Gaye
Mein Kis Say Rooth Sakuungi Kisey Manauun Gi

Vo Ik Rishta -e- Benaam Bhi Nahin Laikin
Mein Ab Bhi Us Kay Isharoon Pay Sir Jhukaoon Gi

Bichha Diya Thaa Gulaboon Kay Saath Apna Vujood
Vo Sou Kay Utthe Tou Khwaboon Ki Raakh Utthaoon Gi

Samaotoon Mein Ghane Jangaloon Ki Sansein Hain
Mein Kabhi Teri Aavaz Suun Na Paoon Gi
 

Javaz Dhoondh Raha Thaa Naye Muhabbat Ka
Vo Keh Raha Thaa Mein Usko Bhool Jaoon Gi